ՊԲ-ին է փոխանցվել Հին Թաղեր-Խծաբերդ դիրքերի տարածքում հայտնաբերված 9 զինծառայողի մարմին

Արցախի Հանրապետությունում տեղակայված ռուսական խաղաղապահ զորախմբի կողմից ԱՀ ՊԲ-ին է փոխանցվել Հին Թաղեր-Խծաբերդ դիրքերի մերձակա տարածքում հայտնաբերված 9 հայ զինծառայողի մարմին։ Այս մասին հայտնում են Արցախի պաշտպանության բանակից։

«Ս.թ դեկտեմբերի 16-ին Արցախի Հանրապետությունում տեղակայված ռուսական խաղաղապահ զորախմբի կողմից ԱՀ ՊԲ-ին է փոխանցվել, նախնական տեղեկություններով, Հին Թաղեր-Խծաբերդ ուղղությամբ տեղակայված հայկական մարտական դիրքերի մերձակա տարածքում հայտնաբերված 9 հայ զինծառայողի մարմին, որոնց զոհվելու հանգամանքները դեռեւս անհայտ են։

Ներկա պահին իրականացվում են անհրաժեշտ գործողություններ՝ զինծառայողների զոհվելու հանգամանքներն ու նրանց ինքնությունը պարզելու ուղղությամբ»,- հայտնում է Արցախի ՊԲ-ն։