Երևան է ժամանել Ֆրանսիայի նախագահի կողմից մարդասիրական օգնությամբ առաջին ինքնաթիռը

Նախօրեին Երևան է ժամանել Ֆրանսիայի նախագահի կողմից հայտարարված մարդասիրական օգնությունը տեղափոխող առաջին ինքնաթիռը։

ՀՀ-ում Ֆրանսիայի դեսպան Ջոնաթան Լաքոտը հայտնում է, որ Ֆրանսիայի ԱԳՆ-ի ճգնաժամային կենտրոնի կողմից վարձակալված ինքնաթիռով բերվել են Հայաստանի առողջապահական համակարգի կարողությունները ուժեղացնելու համար բժշկական սարքավորումներ և դեղեր, ինչպես նաև առաջին անհրաժեշտության պարագաներ Հայաստանում գտնվող Լեռնային Ղարաբաղի տեղահանված անձանց համար։

Հաջորդ ինքնաթիռը կժամանի նոյեմբերի 27-ին։