Ֆրանսիացի պատգամավորները դիմել են Էմանուել Մակրոնին՝ ճանաչելու Արցախի անկախությունը

Ֆրանսիայի Ազգային ժողովի 39 պատգամավոր դիմել են նախագահ Էմանուել Մակրոնին՝ կոչ անելով Արցախի հարցում չեզոքություն չցուցաբերել և ճանաչել Արցախի անկախությունը:

Այս մասին Twitter-ի իր միկրոբլոգում գրել է Ֆրանսիայի ԱԺ պատգամավոր Գի Տեսիենը:

Պատգամավորներն ընդգծել են, որ միայն միջազգային ճանաչումը, ինչպես Կոսովոյի դեպքում, թույլ կտա Արցախին դուրս գալ այն իրավիճակից, որը թույլ չի տալիս ստանալ միջազգային, հումանիտար աջակցություն: