ՀԱՊԿ-ի գլխավոր քարտուղարը խոսել է ԼՂ հակամարտության գոտի զինյալների տեղափոխման մասին

ՀԱՊԿ-ն ղարաբաղյան հակամարտության գոտի օտարերկրյա գրոհայինների տեղափոխման մարտահրավեր է տեսնում ոչ միայն նրա մասնակիցների, այլև տարածաշրջանի համար: Այդ մասին RT հեռուստաալիքին տված հարցազրույցում հայտարարել է կազմակերպության գլխավոր քարտուղար Ստանիսլավ Զասը:

«Ինձ հիմա դժվար է դատել զինյալների՝ հակամարտության գոտի տեղափոխելու մասշտաբների մասին։ Ամենայն հավանականությամբ, այն կա։ Այնտեղ հայտնվում են գրոհայիններ, վարձկաններ։ Իհարկե, դա որևէ կերպ չի կարող օգնել: Սա ներկայացնում է որոշակի մարտահրավեր է ոչ միայն մասնակից կողմերի, այլև ուրիշների համար: Դրանից ենք մենք ելնում», - ասել է Զասը ։

Նա նաև հավելել է, որ ՀԱՊԿ-ն դեռեւս չի դիտարկում օտարերկրյա գրոհայինների Լեռնային Ղարաբաղ տեղափոխմանը հակազդելու լրացուցիչ միջոցների ձեռնարկումը: «Առայժմ որոշ արգելքներ կառուցելու կամ այնտեղ Սիրիայից և այլ երկրներից զինյալների մուտքը հակազդելու լրացուցիչ միջոցներ ձեռնարկելու մասին որոշումը մենք դեռ չենք դիտարկում», - նշել է ՀԱՊԿ - ի գլխավոր քարտուղարը: