Ղարաբաղի հարցով երրորդ երկրների ռազմատենչ հայտարարություններն անպատասխանատու են. ՌԴ ԱԳՆ

Լեռնային Ղարաբաղում իրավիճակի վերաբերյալ երրորդ երկրների ցանկացած ռազմատենչ հայտարարություն եւ գործողություն կարող է հանգեցնել Անդրկովկասում իրավիճակի ապակայունացման:

Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ, փոխանցում է ՏԱՍՍ-ը ։

«Անարդյունավետ և անպատասխանատու ենք համարում երրորդ կողմերի ցանկացած ռազմատենչ հայտարարություն և գործողություն, որը կարող է հրահրել հետագա էսկալացիա, որը հղի է Անդրկովկասում իրավիճակի ապակայունացմամբ, ինչը կարող է ունենալ ամենաանկանխատեսելի հետևանքները», - ասել է նա:

Զախարովայի խոսքով՝ Ռուսաստանը տեղեկություններ ունի Լեռնային Ղարաբաղի հակամարտության գոտի օտարերկրյա զինյալների տեղափոխման մասին։