Պոմպեոն կոչ է արել դադարեցնել բռնությունը Լեռնային Ղարաբաղում

ԱՄՆ պետքարտուղար Մայք Պոմպեոն կոչ է արել դադարեցնել բռնությունը Լեռնային Ղարաբաղում և վերադառնալ բանակցություններին, հաղորդում է «ՌԻԱ Նովոստին»:

Պոմպեոն Հունաստանի վարչապետ Կիրիակոս Միցոտակիսի հետ հանդես է եկել հայտարարությամբ՝ Կրետե կղզում ԱՄՆ-ի ռազմակայան այցելության ժամանակ: Հայտարարությունն ուղիղ եթերում ցուցադրել է հունական ERT Հանրային հեռուստաընկերությունը։

«Ես պետք է ասեմ, որ բռնությունը, որը տեղի է ունենում Լեռնային Ղարաբաղում, պետք է դադարեցնել։ Բոլոր կողմերը պետք է իրենց ներդրումն ունենան խաղաղ լուծում գտնելու գործում», - ասել է Պոմպեոն։