Արցախի նախագահը հայտարարել է ռազմական դրություն եւ համընդհանուր մոբիլիզացիա

Արցախի նախագահ Արայիկ Հարությունյանը հայտարարել է ռազմական դրություն եւ համընդհանուր զորահավաք 18 տարեկանից բարձր անձանց համար: Այդ որոշան մասին նախագահը հայտարարել է՝ ելույթ ունենալով խորհրդարանի արտահերթ նիստում։

«Մենք միշտ հայտարարել ենք, որ մենք պատերազմի կողմնակից չենք, բայց պատրաստ ենք դրան։ Չկա ավելի մեծ կողմնակից խաղաղության, եւ ոչ ոք մեզնից ավելի շատ չի սիրում խաղաղությունը: Մենք պատերազմ չէինք ուզում, այն մեզ պարտադրված է, և մենք պարտավոր ենք պաշտպանել մեր հայրենիքը և մեր ընտանիքները։ Տարածաշրջանին սպառնացող մարդասիրական աղետի համար կպատասխանի անձամբ Ադրբեջանի նախագահ Ալիևը", - գրել է Արայիկ Հարությունյանը Facebook-ի իր էջում ։

VERELQ-ը հիշեցնում է, որ սեպտեմբերի 27-ին Ադրբեջանը սկսել է ինտենսիվ հրետակոծել Արցախի բնակավայրերը, այդ թվում ՝ մայրաքաղաք Ստեփանակերտը՝ անցնելով հարձակման գծի ողջ երկայնքով: Հայտնի է հակառակորդի կողմից երկու ուղղաթիռների, երեք տանկերի եւ երեք անօդաչուների կորստի մասին: Հակառակորդն ունի նաև կենդանի ուժի կորուստներ։

Արցախը տեղեկացնում է, որ Մարտունու շրջանում երկու մարդ Է զոհվել ՝ կին և երեխա: Տուժածներ կան նաեւ այլ շրջաններում, տվյալները ճշտվում են: