Միջազգային հանրությունը չի անցել համավարակի փորձությունը. ՄԱԿ-ի գլխավոր քարտուղար

225

ՄԱԿ-ի Անվտանգության խորհրդում COVID-19 համաճարակի հետեւանքների դեմ պայքարի քննարկումը տարաձայնություններ է առաջացրել ԱՄՆ-ի եւ ԱԽ մյուս անդամների, այդ թվում՝ ՌԴ-ի եւ Չինաստանի միջեւ՝ վիրուսի տարածման գործում Պեկինի եւ Առողջապահության համաշխարհային կազմակերպության դերի շուրջ, հաղորդում է "Ինտերֆաքսը":


ՄԱԿ-ի գլխավոր քարտուղար Անտոնիու Գուտերեշը, ելույթ ունենալով Գլխավոր ասամբլեայի 75-րդ հոբելյանական նստաշրջանի շրջանակներում բարձր մակարդակի ԱԽ-ի հանդիպմանը, նշել է COVID-19 կորոնավիրուսի վերահսկողությունից դուրս գալու պատճառը:


"Պանդեմիան դարձել է միջազգային համագործակցության արդյունավետության փորձություն՝ փորձություն, որին մենք չենք դիմացել։ Գլոբալ մասշտաբով այն հանգեցրել է մոտ 1 մլն մարդու մահվան, վիրուսով վարակվել է ավելի քան 30 մլն մարդ, վիրուսը դուրս է եկել վերահսկողությունից: Դա տեղի է ունեցել այն պատճառով, որ աշխարհը պատրաստ չէր համագործակցել, միասնություն եւ համերաշխություն դրսեւորել", - հայտարարել է Գուտերեշը։


Նա համաշխարհային հանրությանը կոչ է արել միավորվել համաճարակի եւ դրա հետեւանքների դեմ պայքարում։ "Մենք ընտրություն չունենք։ Կամ մենք կմիավորենք գլոբալ ինստիտուտները, որոնք համապատասխանում են սահմանված նպատակներին, կամ մեզ սպասում է պառակտում եւ քաոս", - նախազգուշացրել է ՄԱԿ-ի գլխավոր քարտուղարը:

Տպել

Թեմայի այլ նորություններ
Загрузка...