Վրաստանում գրանցվել է կորոնավիրուսով վարակման 218 նոր դեպք և 2 մահ

Վրաստանում անցած օրվա ընթացքում հաստատվել է նոր տիպի կորոնավիրուսով վարակման 218 նոր դեպք, 2 հիվանդ մահացել է, եւս 40 հիվանդ ապաքինվել է, հաղորդում Է Վրաստանի կառավարության հատուկ Stopcov.ge կայքը:

Վարակվածների ընդհանուր թիվը կազմում է 3 913 մարդ, 1 574-ը բուժվել է, 22 մարդ մահացել է։ Արտասահմանից Վրաստան բուժման է տեղափոխվել երկրի 41 քաղաքացի, որոնցից 38-ն Աֆղանստանում ՆԱՏՕ-ի խաղաղապահ առաքելության զինծառայողներ են:

Բացի այդ, կարանտինի եւ մեկուսացման ռեժիմում գտնվում է 4988 մարդ, 836 մարդ՝ բժիշկների հսկողության տակ գտնվող հիվանդանոցներում: