ՀՀ դեսպանն ու ՌԴ ԱԳ փոխնախարարը քննարկել են երկկողմ հարաբերություններին առնչվող հարցեր

Սեպտեմբերի 14-ին տեղի ունեցավ ՌԴ-ում ՀՀ դեսպան Վարդան Տողանյանի և ՌԴ փոխարտգործնախարար Անդրեյ Ռուդենկոյի հանդիպումը։ Այս մասին հայտնում են դեսպանատան մամուլի ծառայությունից՝ Facebook-ի իր էջում։

Աղբյուրի համաձայն՝ կողմերը քննարկել են երկկողմ հարաբերությունների, միջազգային հարթակներում և ընդհանուր ինտեգրացիոն միավորումների շրջանակներում փոխգործակցությանը, այդ թվում՝ ԵԱՏՄ-ում, ինչպես նաև տարածաշրջանային խնդիրներին վերաբերող հարցեր՝ ներառյալ Լեռնային Ղարաբաղի հակամարտության կարգավորման գործընթացը: