ՌԴ կառավարությունը վավերացրել է ՀՀ նավթամթերքի արտահանման համաձայնագրի փոփոխությունները

Ռուսաստանի կառավարությունը հավանություն է տվել Հայաստան բնական գազի, նավթամթերքների և չմշակված բնական ալմաստների մատակարարման ոլորտում համագործակցության մասին համաձայնագրում փոփոխությունների վավերացման նախագծին:

Համապատասխան հաղորդագրությունը հրապարակվել է կառավարության կայքում, հայտնում է սեպտեմբերի 15-ին Neftegaz.RU-ն:

Հաղորդագրության մեջ ասվում է, որ հավանություն է տրվել "Հայաստանի Հանրապետություն բնական գազի, նավթամթերքների և չմշակված բնական ալմաստների առաքման ոլորտում համագործակցության մասին" Ռուսաստանի Դաշնության կառավարության և Հայաստանի Հանրապետության կառավարության միջև 2013 թվականի դեկտեմբերի 2-ի համաձայնագրում փոփոխություններ կատարելու մասին արձանագրության վավերացման մասին" դաշնային օրենքի նախագծին:

Այն Պետդումայի օրակարգ կներառվի սահմանված կարգով։ Արձանագրությունը նախատեսում է ռուսական նավթամթերքների (նավթային գուդրոնի) արտահանում Հայաստան՝ առանց արտահանման մաքսատուրքի գանձման։