Կրթական գործընթացը Վրաստանի խոշոր քաղաքներում կմեկնարկի հոկտեմբերի 1-ին

Կրթական գործընթացի մեկնարկը Վրաստանի խոշոր քաղաքներում հետաձգվել է մինչև հոկտեմբերի 1-ը: Այս մասին ասուլիսի ժամանակ հայտարարել է երկրի վարչապետ Գեորգի Գախարիան, հայտնում է «Sputnik»-ը:

Նա նշել է, որ սահմանափակումները վերաբերում են այնպիսի քաղաքների, ինչպիսիք են Թբիլիսին, Քութաիսին, Ռուսթավին, Գորին, Զուգդիդին և Փոթին:  

«Այս քաղաքներում կրթական գործընթացը բուհերում, ինչպես նաև դպրոցներում կմեկնարկի հոկտեմբերի 1-ին: Սա մեզ անհրաժեշտ է առկա ռիսկերը գնահատելու համար: Մեզ և համաճարակաբաններին հարկավոր է 2 շաբաթ ժամանակ, որից հետո մենք լրացուցիչ որոշումներ կկայացնենք երեխաների հետ կապված»,- նշել է Վրաստանի վարչապետը: