Ֆրանսիան կուժեղացնի ռազմական ներկայությունը Միջերկրական ծովի արեւելյան մասում. Մակրոն

Ֆրանսիան կուժեղացնի ռազմական ներկայությունը Միջերկրական ծովի արեւելյան մասում՝ Հունաստանի եւ Թուրքիայի միջեւ ստեղծված լարվածության պատճառով։ Այս մասին հայտարարել է Ֆրանսիայի նախագահ Էմանուել Մակրոնը։

«Ես որոշել եմ առաջիկա օրերին ժամանակավորապես ուժեղացնել ֆրանսիական ռազմական ներկայությունը Միջերկրական ծովի արեւելյան մասում՝ եվրոպական գործընկերների, այդ թվում՝ Հունաստանի հետ համագործակցությամբ», - Twitter-ի իր միկրոբլոգում գրել է Մակրոնը:

Նրա խոսքով՝ Արեւելյան Միջերկրածովյան տարածաշրջանում իրավիճակը մտահոգիչ է։

«Նավթի հետախուզման վերաբերյալ Թուրքիայի միակողմանի որոշումները լարվածություն են առաջացնում։ Այն պետք է դադարեցվի, որպեսզի հնարավոր լինի խաղաղ երկխոսությունը հարեւանների եւ ՆԱՏՕ-ի դաշնակիցների միջեւ», - համոզված է Ֆրանսիայի նախագահը։