Բացառել ցանկացած գործողություն, որ կնպաստի լարվածության սրմանը. Պուտինը՝ Ալիևին

2284

Ադրբեջանական կողմի նախաձեռնությամբ օգոստոսի 12-ին հեռախոսազրույց է տեղի ունեցել Ռուսաստանի նախագահ Վլադիմիր Պուտինի և Իլհամ Ալիևի միջև: Այս մասին հայտնում է Կրեմլի մամուլի ծառայությունը։


«Քննարկվել են երկկողմ օրակարգի արդիական թեմաներ։ Հաստատվել է բոլոր ոլորտներում ռուս-ադրբեջանական գործընկերության հետագա ամրապնդման փոխադարձ տրամադրվածությունը։ Իլհամ Ալիեւը շնորհավորել է Վլադիմիր Պուտինին կորոնավիրուսային վարակի դեմ ռուսական պատվաստանյութի գրանցման կապակցությամբ», - ասված է հաղորդագրության մեջ:


Նշվում է նաև, որ զրուցակիցները մտքեր են փոխանակել տարածաշրջանային խնդիրների շուրջ՝ այս տարվա հուլիսին ադրբեջանա-հայկական պետական սահմանին տեղի ունեցած իրավիճակի սրման համատեքստում։


«Ռուսական կողմից ընդգծվել է լարվածության սրմանը նպաստող ցանկացած գործողությունների բացառման կարեւորությունը», - ասված է հաղորդագրության մեջ:

Տպել

Թեմայի այլ նորություններ
Загрузка...