Արցախում կորոնավիրուսային հիվանդության 2 նոր դեպք է գրանցվել

Արցախում կորոնավիրուսային հիվանդության 2 նոր դեպք է գրանցվել: Այս մասին հայտնում են Արցախի տեղեկատվական շտաբից:

Վարակը հաստատվել է Ասկերանի շրջանի Այգեստանի համայնքի 2 կոնտակտավորների մոտ:

Միևնույն ժամանակ, COVID-19 –ի ախտորոշմամբ 12 հիվանդ ապաքինվել և լքել է մեկուսացման վայրը:

Առայսօր, նոր կորոնավիրուսային հիվանդությունը հաստատվել է 250 մարդու մոտ, որից 213-ը հաղթահարել է հիվանդությունը: Փաստացի բուժում է ստանում 36, ընդհանուր մեկուսացված է 64 քաղաքացի:

Թեստավորումների նպատակով 156 նմուշառում է իրականացվել:

Մինչ այսօր կատարվել է 6 838 փորձանմուշի հետազոտություն: