Ադրբեջանը պետք է վերջ տա իր սադրիչ և վտանգավոր սպառնալիքներին. Լոս Անջելեսի քաղաքապետ

Լոս Անջելեսի քաղաքապետ Էրիկ Գարսետին իր աջակցությունն է հայտնել հայկական համայնքին:

«Մենք կանգնած ենք հայկական համայնքի կողքին՝ ընդդեմ բռնության։ Ադրբեջանը պետք է վերջ տա իր սադրիչ և վտանգավոր սպառնալիքներին, այն է՝ հարված հասցնել Հայաստանի քաղաքացիական ԱԷԿ-ին և պետք է ընդունի միջազգային դիտորդներին»,- գրել է քաղաքապետ Էրիկ Գարսետին Twitter-ի իր միկրոբլոգում:

Նա նաև հավելել է, որ երկխոսությունն ու դիվանագիտությունը տարածաշրջանի խաղաղության և անվտանգության միակ ուղին են: