Ադրբեջանի բանակում դադարեցվել են զինծառայողների հանդիպումները ծնողների հետ

Ադրբեջանի բանակում COVID-19-ի տարածումը կանխելու ուղղությամբ ձեռնարկված միջոցառումների շրջանակներում՝ դադարեցվել են զինծառայողների հանդիպումները ծնողների հետ:

Այս մասին օպերատիվ խորհրդակցության ժամանակ հայտարարել է պաշտպանության նախարար, գեներալ-գնդապետ Զաքիր Հասանովը:

Հասանովը մեկ անգամ ևս հանձնարարականներ է տվել՝ զորամասերում և ձեռնարկություններում շարունակվող ախտահանման աշխատանքների, անձնակազմի պարբերական կրթության, անձնական հիգիենայի կանոնների պահպանմանը մեծ ուշադրություն դարձնելու, ինչպես նաև զանգվածային միջոցառումների անցկացման սահմանափակման և ծնողների հետ հանդիպումները ժամանակավորապես դադարեցնելու հետ կապված: