29.03.2024
ՀՀ-ն չի կարող անվտանգային սպառնալիք լինել Վրաստանի համար, Վրաստանն էլ՝ ՀՀ-ի. վարչապետ
prev Նախորդ նորություն

Նորություններ գործընկերներից

Տրանզիտ, էներգետիկա և տարածաշրջանային խնդիրներ. Փաշինյանի օրակարգը Թբիլիսիում

Վրաստանի հետ հարաբերությունների հետագա զարգացումը Հայաստանի արտաքին քաղաքականության ամենակարևոր գերակայություններից է: Այս մասին այսօր՝ մարտի 3-ին, Թբիլսիում հայտարարել է ՀՀ վարչապետ Նիկոլ Փաշինյանը՝ ամփոփելով Վրաստանի վարչապետ Գիորգի Գախարիայի հետ բանակցությունների արդյունքները։


Նրա խոսքով այսօր երևան են եկել նոր գործոններ, որոնք էլ ավելի են ամրապնդում Հայաստանի ու Վրաստանի հարաբերությունները: «Իմ և պարոն Գախարիայի միջև այօրվա բանակությունները հնարավորություն տվեցին շարունակել անցած տարի ձեռք բերած պայամանավորվածությունների կատարումը: Նշվեց երկու երկրների տրազիտային կարողությունների զարգացման կարևորությունը: Խոսքը ոչ միայն ցամաքային ճանապարհների, այլև էլեկտրաէներգետիկ ու հեռահարողդակցային կապի մասին է», - ասաց Փաշինյանը:


Ի՞նչ են խոսել բանակցությունների ժամանակ


Վարչապետը տեղեկացրեց, որ բանակցությունների ժամանակ հանդես են եկել մի շարք առաջարկություններով, որոնք վերաբերում են բարձր տեխնոլոգիաներին, կրթությանը և գիտությանը: «Մենք առաջարկեցինք նաև ամրապնդել երկու պետությունների քաղաքացիական հասարակությունների կազմակերպությունների միջև կապը», - նշեց նա՝ հավելելով, որ անդրադարձել են տարածաշրջանային հիմնախնդիրներին:


«Տարածաշրջանային հիմնախնդիրների կարգավորման միակ տարբերակը խաղաղ բանակցություններն են, որոնց այլընտրանք չկա: Վստահ եմ, որ յուրաքանչյուր հակամարտություն ունի իր առանձնահատկությունները: Այս առումով կարևորում եմ կողմերի համար զգայուն խնդիրների շուրջ հավասարակշիռ դիրքորոշման պահպանումը», - ասաց նա:


Հայտարարության վերջում Փաշինյանը խոսեց երկու երկրների հրաբերությունների զարգացման հարցում վիրահայերի նշանակալի ավանդի մասին: «Երախտապարտ ենք Վրաստանի հայերի ազգային ինքնության պահպանման ուղղությամբ Վրաստանի իշխանությունների հետևողական քայլերի համար», - ասաց նա: 


Եղել է նաև առանձնազրույց


ՀՀ վաչապետ Նիկոլ Փաշինյանի՝ Վրաստան կատարած պաշտոնական այցի շրջանակներում երկու երկրների վարչապետներն առանձնազրույց են ունեցել:


Վրաստանի վարչապետ Գիորգի Գախարիան ողջունել է հայ գործընկերոջն ու շնորհակալություն հայտնել երևանյան հանդիպման ընթացքում ջերմ ընդունելության համար: Գախարիան ասել է, որ նմանօրինակ բարձր մակարդակի հանդիպումները հիմք են նաև նախարարությունների ու այլ գերատեսչությունների արդյունավետ աշխատանքի համար.


«Պարոն վարչապետ, հարգարժան Նիկոլ, ուրախ եմ Ձեզ Վրաստանում հյուրընկալելու համար: Մենք, իհարկե, կառավարությունների մակարդակով ամենօրյա ռեժիմով աշխատում ենք՝ հայ-վրացական բարիդրացիական հարաբերությունները խորացնելու ուղղությամբ: Մենք բարդ տարածաշրջաններում ենք ապրում, ու հասկանում ենք, որ տարածաշրջանների կայունությունը մեր պետությունների զարգացման հիմքն է: Մենք պետք է հոգ տանենք մեր երկրների խաղաղության, ապա միայն տնտեսական, մշակութային ու այլ հարցերի մասին: Մեր համոզմունքն է, որ մեր երկրների զարգացումը Եվրատարածք ինտեգրվելու հետ է կապված»։


Պատասխան խոսքում Փաշինյանը խոսել է հայ-վրացական հարաբերությունների խորացման մասին՝ նշելով, որ Վրաստանի հետ հարաբերությունների պատկերացումները Հայաստանի համար ռազմավարական են.


«Մեր երկրները խորը պատմական կապեր ունեն, մենք հազարամյակներով ապրել ենք կողք կողքի, կարծում եմ՝ ժամանակն է եկել մտածել եթե ոչ հազարամյակների, գոնե հարյուրամյակների համատեղ այս տարածաշրջանում զարգացման մասին: Մեր հարաբերություններն ամրացնող ևս մեկ գործոն է ի հայտ եկել, դա մեր ժողովուրդների հստակ նվիրվածությունն է՝ ժողովրդավարությանն ու ժողովրդվարության զարգացման տեսլականին: Այս հանգամանքը մինչև այժմ գոյություն ունեցող հիմքին ավելացնում է ևս մեկ կարևոր անկյունաքար: Վերջին մեկուկես տարվա ընթացքում մեզ իսկապես հաջողվել է Վրաստանի հետ հարաբերությունների նոր որակ ստանալ: Մեզ հաջողվում է հստակ քայլերով մեր բոլոր պայմանավորվածությունները կյանքի կոչել»,- ասել է Փաշինյանը:


Հիշեցնենք՝ ընթացքի մեջ է ՀՀ վարչապետի պաշտոնական այցը Վրաստան: Երկօրյա այցի շրջանակներում Փաշինյանը նաև հայ համայնքի հետ կհանդիպի:

Պետք է ավելի ուժեղացնել կորոնավիրուսի կանխարգելման գործողությունները. Իրանի դեսպան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար