«Պարսկական պերեստրոյկան» անհաջողություն է կրել

Իրանը նոր դարաշրջան է վերապրում: Խորհրդարանական ընտրությունների արդյունքները տանելու են պրագմատիկ քաղաքականությունից դեպի առճակատման քաղաքականություն: Բոլոր նախադրյալները կան կարծելու, որ դա կանխորոշելու է Իրանի արտաքին քաղաքականությունը մոտակա տարիներին:

Հոդվածում նշվում է, որ «պարսկական պերեստրոյկան», որի առանցքային տարրերից էր արտաքին աշխարհի հետ բաց շփումներն ու չափավոր բարեփոխումները, անհաջողություն է կրել:

Հոդվածի հեղինակը նշում է, որ պահպանողականների հաղթանակն ու հսկողության հաստատումը խորհրդարանում միայն առաջին քայլն է՝հաջորդ տարի Իրանում նախատեսվում են նախագահական ընտրություններ ու պահպանողականները կձգտեն փոխարինող գտնել Հասան Ռոհանիին:

Իրանում ընտրողներից 29 միլիոնը տղամարդիկ են, իսկ 28 միլիոնը՝կանայք:

Իրանի խորհրդարանում 5 տեղ է հատկացվում էթնիկ և կրոնական փոքրամասնություններին՝հայերն ունեն 2 տեղ խորհրդարանում:

Պատգամավորներն ընտրվում են 4 տարի ժամկետով: