Իրանում գտնվող ՀՀ քաղաքացիներին հայրենիք կվերադարձնեն հատուկ չվերթով. ԱԳՆ

Արձագանքելով Իրանում ՀՀ դեսպանության հայտարարություններին՝ դեսպանություն է դիմել 65 ՀՀ քաղաքացի, այդ թվում նաև՝ երկքաղաքացիներ: Փետրվարի 26-ին նախատեսվում է չվերթ՝ Իրանում գտնվող ՀՀ քաղաքացիներին հայրենիք վերադարձնելու համար։ Այս մասին Aysor.am-ի հետ զրույցում ասել է ՀՀ արտաքին գործերի նախարարության Սահմանակից երկրների վարչության պետ Արսեն Ավագյանը։

Նա տեղեկացրել է, որ դեսպանությունը մշտական կապի մեջ է ՀՀ քաղաքացիների հետ և ձեռնարկում է բոլոր անհրաժեշտ քայլերը ՀՀ քաղաքացիների կողմից բարձրացվող հարցերի արագ հասցեագրման ուղղությամբ:

Իրանի առողջապահության նախարարությունը հայտնել է կորոնավիրուսի վարակի 61 և 14 մահվան դեպքի մասին: 

Ամբողջական նյութը սկզբնաղբյուրում:

VERELQ-ը հիշեցնում է, որ կորոնավիրուսի կանխարգելման նպատակով ՀՀ կառավարությունը որոշում կայացրեց փետրվարի 24-ից երկու շաբաթով դադարեցնել ցամաքային հաղորդակցությունն Իրանի հետ, իսկ օդային հաղորդակցության նկատմամբ կիրառել ոչ ամբողջական սահմանափակումներ: