Արցախում զինծառայողն իրեն ամրակցված զենքով կրակել է իր ոտքին

Արցախի զորամասերից մեկում ժամկետային զինծառայող է վիրավորվել:

Այս մասին հայտնել է ՊՆ մամուլի խոսնակ Արծրուն Հովհաննիսյանը: Նրա խոսքով՝ նախնական տեղեկություններով՝ զինծառայողն իրեն ամրակցված զենքով կրակել է իր ոտքին։

Հովհաննիսյանը նշեց, որ այլ մանսրամասներ այս պահին չի կարող հայտնել։

Նույն դեպքի մասին Արցախի ՊԲ-ից հայտնում են, որ փետրվարի 3-ին՝ ժամը 07:35-ի սահմանում, ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասում, նախնական՝ զենքի օգտագործման կանոնների խախտման հետևանքով, թեթև հրազենային վիրավորում է ստացել ՊԲ զինծառայող, 2000թ. ծնված Արթուր Տիգրանի Դալաքյանը:

Դեպքի մանրամասները պարզելու համար կատարվում է քննություն: