Զենքի գնումների 80 պայմանագիր ունենք. Արտակ Դավթյան

Ներկայում ունենք զենքի գնումների 80 պայմանագիր, որոնց մի մասը երկարաժամկետ է և կնքվել է նախկին իշխանությունների ժամանակ: Այս մասին ասուլիսում հայտնեց ՀՀ զինված ուժերի գլխավոր շտաբի պետ Արտակ Դավթյանը:

Նա ընդգծեց, որ Սու-30 ինքնաթիռների պայմանագիրը կնքվել է նոր իշխանության կողմից:

Դավթյանը նաև հորդորեց մի փոքր սպասել՝ վարչապետը այդ կապակցությամբ հանդես կգա հայտարարությամբ:

Հիշեցնենք, օրերս սոցիալական ցանցերում կադրեր տարածվեցին Ռուսաստանի կողմից Հայաստանին մատակարարվող ՍՈՒ-30ՍՄ կործանիչների վերջին փորձարկումներից: Մասնավորապես, կործանիչների լուսանկարները տարածվել է “ВКонтакте” սոցիալական ցանցի NskPlanes էջում:

Կործանիչների վրա երևում է «Հայաստան» գրությունը: