Թբիլիսիում մահափորձ է կատարվել Վրաստանի առաջին նախագահի որդու վրա. նա կոմայի մեջ է

Թբիլիսիի կենտրոնում մահափորձ է կատարվել Վրաստանի առաջին նախագահ Զվիադ Գամսախուրդիայի որդու՝ Ցոտնեի վրա:

Ցոտնե Գամսախուրդիայի վիճակը ծայրահեղ ծանր է: Նա  երկու բարդ վիրահատության է ենթարկվել, դրանցից երկրորդը շարունակվել է մոտավորապես յոթ ժամ: Մոտ ժամանակներս նոր վիրաբուժական միջամտություն չի պլանավորվում:

Այժմ նա գտնվում է դեղորայքային կոմայի մեջ եւ միացված է արհեստական շնչառության ապարատին: