Իրանի ժողովուրդը չեզոքացրեց վտանգավոր դավադրությունը բենզինի գնի բարձրացման ֆոնին. Խամենեի

Վտանգավոր դավադրությունը, որն Իրանում կազմակերպվել էր բենզինի գնի բարձրացման ֆոնին, հաջողությամբ չեզոքացվեց իր իսկ ժողովրդի կողմից: Այս մասին հայտարարել է Իսլամական Հանրապետության հոգեւոր առաջնորդ Ալի Խամենեին:

«Ընդգրկուն ու շատ վտանգավոր դավադրությունը, որի կազմակերպիչները կարծում էին, թե բենզինի հետ կապված խնդիրը շանս է ընձեռել իրենց, չեզոքացվեց Իրանի ժողովրդի ուժերով»,-նշել է նա:

Նա հավելել է, որ «ոստիկանությունը, Իսլամական հեղափոխության պահապանների գունդը եւ «բասիջը» միջամտեցին ու կատարեցին իրենց ծանր աշխատանքը»: