Երևանի թիվ 156 միջնակարգ դպրոցում պայթուցիկ սարքի մասին ահազանգ է ստացվել. ԱԻՆ

Նոյեմբերի 22-ին, ժամը 14:21-ին «911» ծառայություն ահազանգ է ստացվել, որ Երևանի թիվ 156 միջնակարգ դպրոցում պայթուցիկ սարք է տեղադրվել։ Այս մասին հայտնում են ՀՀ արտակարգ իրավիճակների նախարարությունից։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խումբը և ճգնաժամային կառավարման ազգային կենտրոնի օպերատիվ խումբը և հոգեբանական աջակցության բաժնի հոգեբանական խորհրդատվության գծով կրտսեր հրահանգիչը։

Մինչ փրկարարների՝ կանչի վայր հասնելը տարհանվել է 207 աշակերտ եւ 35 ուսուցիչ:

***

Տեղազննման արդյունքում պայթուցիկ սարք չի հայտնաբերվել: