Փաշինյանն առաջարկում է ԼՂ հակամարտության լուծման իր բանաձևը. սպասում է Ալիևի արձագանքին

Հայաստանի վարչապետ Նիկոլ Փաշինյանը Ղարաբաղյան հակամարտության բոլոր կողմերին առաջարկել է սկսել աշխատել լուծման հայեցակարգի վրա. որոշումը պետք է ընդունելի լինի բոլոր` երեք ժողովուրդների համար։ Այս մասին նա հայտարարել է նոյեմբերի 19-ին ռուսաստանցի լրագրողների հետ հանդիպման ժամանակ։


Նա նշել է, որ Հայաստանի անվտանգության, ինչպես նաև երկրի և ժողովրդի ապագայի համատեքստում ղարաբաղյան հարցն առաջնահերթ է։ Փաշինյանը հավելեց, որ իր մոտեցումը հայեցակարգորեն տարբերվում է իր նախորդների դիրքորոշումներից, և ինքը բազմիցս քննադատության է ենթարկվել դրա համար։ Մասնավորապես, վարչապետն առաջարկում է հակամարտության այնպիսի կարգավորում, որը շահավետ կլինի Հայաստանի, Լեռնային Ղարաբաղի և Ադրբեջանի ժողովուրդների համար, գրում է Ապուտնիկը։


«Եթե մենք խոսում ենք կարգավորման մասին, այլ ոչ թե կողմերից մեկի հաղթանակի կամ պարտության, եթե մենք ձգտում ենք երկարատև խաղաղության և կայունության, ապա պետք է գտնել լուծում` ընդունելի երեք ժողովուրդների համար։ Եվ եթե Ադրբեջանի նախագահը հանդես գա նման հայտարարությամբ, ապա դա կնշանակի, որ մենք շանս ունենք իրական առաջխաղացում գրանցել բանակցային գործընթացում», – նշեց նա։


Այդ առումով նա առաջարկել է Իլհամ Ալիևին, Արցախի նախագահին և ԵԱՀԿ Մինսկի խմբի համանախագահներին համաձայնել, որ պետք է աշխատել բոլոր երեք ժողովուրդների համար ընդունելի լուծման վրա։ Նա հավելեց, որ առայժմ նման տարբերակներ չկան, եթե լինեին, ապա իրավիճակն այլ կլիներ։


Փաշինյանը նաև խորհուրդ տվեց չկապել ղարաբաղյան հակամարտության կարգավորումը և այդ հարցի նկատմամբ իր վերաբերմունքը Հայաստանի նախկին նախագահներ Սերժ Սարգսյանին և Ռոբերտ Քոչարյանին իր վերաբերմունքի հետ։

Տպել

Թեմայի այլ նորություններ
Загрузка...