Անչափահասին ԻՊ գործունեության մեջ ներգրավելու համար ՀՀ քաղաքացին դատապարտվել է ազատազրկման

107

Մոսկվայի շրջանային ռազմական դատարանը ՀՀ քաղաքացուն մեղավոր է ճանաչել Ռուսաստանում արգելված «Իսլամական պետություն» ահաբեկչական խմբավորման գործունեության մեջ անչափահասի ներգրավելու համար: Դեռահասը մեկնել է Սիրիա՝ մասնակցելու ռազմական գործողություններին, գրում է ՏԱՍՍ-ը:


Այն պահի դրությամբ, երբ հայտնի է դարձել անչափահասի ներգրավմամբ կատարված հանցագործության մասին, ՀՀ քաղաքացի Աշոտ Գրիգորյանն արդեն դատապարտված է եղել 10 տարվա ազատազրկման՝ նա պատիժը կրում է կողոպուտի և ավազակային հարձակման համար:


Ա.Գրիգորյանի անօրինական գործունեության հետագա հետաքննության ընթացքում էլ բացահայտվել է անչափահասի հետ կապված դրվագը, ով ներգրավվել է Ռուսաստանում արգելված  ԻՊ միջազգային ահաբեկչական կազմակերպության գործունեության մեջ և մեկնել Սիրիա ահաբեկչական գործողությունների մասնակցելու համար: 


2019 թվականի հունիսին դատարանը Գրիգորյանի համար վերջնական պատիժ է սահմանել 14 տարվա ազատազրկում խիստ ռեժիմի գաղութում:

Տպել

Թեմայի այլ նորություններ
Загрузка...