Վիտալի Բալասանյանն կանչվել էր ՀՔԾ՝ Մարտի 1-ի գործի շրջանակում հարցաքննվելու

96

Արցախի Ազգային անվտանգության խորհրդի նախկին քարտուղար, Արցախի ազգային հերոս Վիտալի Բալասանյանն այսօր կանչվել էր ՀՀ հատուկ քննչական ծառայություն՝ Մարտի 1-ի գործի շրջանակում հարցաքննվելու:


Այս մասին հայտնում են VERELQ-ի աղբյուրները: Նշվում է, որ նա գործով վկայի կարգավիճակ ունի: Հարցաքննությունը, սակայն չի կայացել, քանի որ նա պատշաճ ծանուցված չի եղել:


Տեղեկացանք, որ ՀՔԾ-ն դեռ նոր ծանուցում Վիտալի Բալասանյանին չի ուղարկել:


ՀՀ հատուկ քննչական ծառայության մամուլի ծառայությունում չեն մեկնաբանում Վիտալի Բալասանյանին հարցաքննության կանչելու մասին տեղեկությունները:


ՀԺ-ի տեղեկություններով Վիտալի Բալասանյանը հարցաքննության է կանչվել օրեր առաջ իր հարցազրույցներից մեկում արված հետեւյալ արտահայտությունների առիթով: Նա մասնավորապես հայտարարել էր.


«Ցույց տվեք մի դեպք, որ բանակը կրակել է: Խոսում են, թե գեներալները եկել են, հրամանաններ են տվել, գեներալները կրակել են, 60 հոգի են առանձնացրել… Ի՞նչ է նշանակում ժողովրդի վրա են կրակել: Ժողովրդի վրա կրակել է Լևոն Տեր-Պետրոսյանն իր խմբով: Կգա ժամանակը, ես էլ տեղյակ եմ մարտի 1-ի դեպքերից, ես էլ ինֆորմացիաներ ունեմ՝ ինչ է կատարվել: Րոպե առաջ պետք է այդ երևույթին գնահատական տալ, և ազատության մեջ լինի Ռոբերտ Քոչարյանը»:


 

Տպել

Թեմայի այլ նորություններ
Загрузка...