Հայտնի է, թե երբ Թուրքիայի նախագահը կայցելի Ադրբեջան

Թուրքիայի նախագահ Ռեջեփ Թայիփ Էրդողանը հոկտեմբերի 3-ին կայցելի Ադրբեջան, հայտնում է թուրքական կառավարության աղբյուրը:

Ըստ աղբյուրի, Էրդողանը Ադրբեջան կայցելի՝ մասնակցելու Թուրքական խորհրդի յոթերորդ նիստին, ինչպես նաև Թուրքական խորհրդի ստեղծման 10-ամյակին նվիրված միջոցառումներին:

Թուրքական խորհուրդը ստեղծվել է 2009-ի հոկտեմբերի 3-ին Նախիջևանում: Դրա նպատակը՝ անդամ երկրների (Ադրբեջանի, Թուրքիայի, Ղազախստանի, Ուզբեկստանի և Ղրղզստանի) միջև համապարփակ համագործակցության զարգացումն է: