Իրանը միջուկային պարտավորությունների կրճատմանն ուղղված 3-րդ քայլը կձեռնարկի. Զարիֆ

Իրանը ներկայիս պայմաններում միջուկային պարտավորությունների կրճատման համար 3-րդ քայլը կձեռնարկի և միայն Իսլամական Հանրապետությունը իրավունք ունի որոշելու միջուկային գործարքով իր պարտավորությունները կատարել, թե հրաժարվել դրանցից: Այս մասին ասել է Իրանի ԱԳ նախարար Մոհամադ Ջավադ Զարիֆը:

«Միջակային գործարքի համատեղ հանձնաժողովի բոլոր անդամները եկել են ընդհանուր կարծիքի, որ ԱՄՆ-ն է առաջացրել առկա լարվածությունը, և Իրանի պահանջներն ի սկզբանե հստակ էին՝ առանց որևէ լրացուցիչ սպասումների, բացի մյուս կողմերի միջուկային պարտավորությունների կատարումից», – ընդգծել է նա: