Կառավարությունն անցավ գործազրկությանը. դրա մակարդակի նվազեցման ծրագիր է մշակել

2018 թվականի դեկտեմբերի դրությամբ գործազրկությունը Հայաստանում կազմել է շուրջ 20%:

Ներկայացնելով այս վիճակագրությունը, ՀՀ փոխվարչապետ Տիգրան Ավինյանը կառավարության այսօրվա նիստում հայտարարեց, որ կառավարության միջգերատեսչական հանձնաժողովը ՀՀ-ում գործազրկության մակարդակի նվազեցման ծրագիր է մշակել, որը հենված է երեք հիմնասյուների վրա:

«Առաջինը՝ մարդկային կապիտալի զարգացում, երկրորդը` զբաղվածության խթանում, երրորդը ինստիտուցիոնալ բարեփոխումներ: Այս երեք ուղղություններով էլ շատ կոնկրետ թիրախներ և ժամանակացույց է սահմանվելու»,- ասաց փոխվարչապետը՝ խնդրելով գլխադասային նախարարությունների ղեկավարներին թիրախներն ու ժամանակացույցը սահմանել մինչև հունիսի 15-ը:

Տիգրան Ավինյանը նաև տեղեկացրեց, որ միջոցառումներն ամբողջությամբ պատրաստ են, պարզապես մնացել է սահմանել հստակ թվային այն արդյունքները, որոնք ակնկալվում են ամեն միջոցառումից, և ժամանակացույցը, որով ընթանալու են: