ԵՄ հետ մեր մերձեցումը չի ենթադրում Ռուսաստանի նկատմամբ որևէ դավադրություն. Փաշինյան

Եվրոպական միությունը Հայաստանի առաջ աշխարհաքաղաքական կողմնորոշման հարց չի դնում: Եվրամիության հետ մեր համագործակցության օրակարգն ամբողջությամբ միտված է բարեփոխումների իրականացմանը: Այս մասին Եվրոպական խորհրդարանի արտաքին հարաբերությունների հանձնաժողովում ելույթից հետո, պատասխանելով ներկաների հարցերին, հայտարարել է ՀՀ վարչապետ Նիկոլ Փաշինյանը:  

Նա նշել է, որ Ռուսաստանի հետ ՀՀ համագործակցությունը շատ կարևոր է, քանի որ մենք շարունակում ենք մնալ ռազմավարական գործընկերներ, և կարծիք հայտնել, որ հակասություններ չկան և չեն կարող լինել Ռուսաստանի և Եվրոպական միության հետ մեր հարաբերություններում. «Դրանք թափանցիկ են, և ես կարևոր եմ համարում ընդծել, որ Եվրամիության հետ մեր մերձեցումը չի ենթադրում Ռուսաստանի նկատմամբ որևէ դավադրություն, ճիշտ այնպես, ինչպես չկա դավադրություն Եվրոպական միության նկատմամբ` Ռուսաստանի հետ մեր շարունակական հարաբերություններում»,- շեշտել է վարչապետը:

Հայաստանի համար չափազանց կարևոր է համագործակցությունն էներգետիկայի բնագավառում, շարունակել է նա, և հանրապետությունը մտադիր  էզարգացնել այն Ռուսաստանի և Իրանի հետ.

«Օրեր առաջ ես այցելեցի Իրան, և մենք քննարկեցինք էներգետիկայի բնագավառում համագործակցության խորացման հնարավորությունները»,- հավելել է Փաշինյանը: