Իրանի հետ հարաբերություններում ՀՀ-ն չի լինի որևէ մեկին վնասելու գործին մասնակից. Փաշինյան

Իրանի հետ Հայաստանի հարաբերությունները շատ բարձր մակարդակի վրա են և դրանց նպատակը չի լինի որևէ երրորդ կողմին վնասելը։ Այս մասին Ազգային ժողովում կառավարության ծրագիրը ներկայացնելիս հայտարարեց վարչապետ Նիկոլ Փաշինյանը։

Վերջինս փետրվարի 27-ին պաշտոնական այց է կատարելու Իրանի Իսլամական Հանրապետություն։ Անդրադառնալով այդ այցին, նա հայտարարեց, որ Հայաստանը Իրանի հետ կպահպանի բարձր մակարդակի, փոխվստահության վրա հիմնված հարաբերությունները.

«Այդ հարաբերությունների նպատակը չի լինի որևէ երրորդ կողմին վնասելը։ Այդ հարաբերություններում Հայաստանը չի լինի որևէ մեկին վնասելու գործին մասնակից», - վստահեցրեց Փաշինյանը։