Ամերիկացի օրենսդիրները կոչ են արել Վաշինգթոնին պատասխանատվության ենթարկել Էր Ռիադին

691

Ամերիկացի օրենսդիրները Վաշինգթոնին կոչ են արել սաուդցի լրագրող Ջամալ Խաշոգջիի սպանության համար Սաուդյան Արաբիային պատասխանատվության ենթարկել եւ խոստացել են, որ Կոնգրեսը միջոցներ կձեռնարկի, եթե Թրամփի վարչակազմը դա չանի, փոխանցում է Reuters-ը:

Տասնյակից ավելի սենատորներ եւ Ներկայացուցիչների պալատի անդամներ, ներառյալ դեմոկրատներ եւ հանրապետականներ, ելույթ են ունեցել 2018 թվականին զոհված լրագրողների հիշատակի միջոցառման ժամանակ:

Դեմոկրատներն ափսոսանք են հայտնել Խաշոգջիի սպանությանը երկրի նախագահ Դոնալդ Թրամփի վարչակազմի կողմից վճռական արձագանքի բացակայության կապակցությամբ՝ հայտարարելով, որ Սաուդյան Արաբիայի հետ ռազմավարական կամ առեւտրային հարաբերությունները չպետք է գերակայեն ժողովրդավարական արժեքներին, ինչպիսին է խոսքի ազատությունը:

Դեկտեմբերին մի քանի հանրապետականներ միացել էին դեմոկրատներին՝ նախագահին մարտահրավեր նետելու համար եւ ընդունել էին Սենատի բանաձեւ՝ կոչ անելով դադարեցնել ԱՄՆ ռազմական աջակցությունը Եմենում պատերազմը գլխավորող Սաուդյան Արաբիային եւ գահաժառանգ արքայազն Մոհամմեդ բեն Սալմանին մեղադրելով Խաշոգջիի սպանության մեջ:


 

Տպել

Թեմայի այլ նորություններ
Загрузка...