Մասնավոր տաքսու վարորդները կազատվեն արտոնագրային վճարից. վարչապետի պաշտոնակատար

Այն մարդիկ, որոնք իրենց գործունեությունը կծավալեն 20-24 մլն դրամի սահմաններում, չեն վճարի ոչ մի հարկ: Այս մասին ԱԺ-ում 2019 թվականի պետական բյուջեի քննարկման ժամանակ հայտարարեց ՀՀ վարչապետի պաշտոնակատար Նիկոլ Փաշինյանը:

Նրա խոսքով, կառավարության նորամուծություններից մեկը նա է, որ մասնավոր տաքսու վարորդները կազատվեն արտոնագրային վճարից.

«Մենք ասում ենք, որ անհատ տաքսու վարորդները որեւէ վճար վճարելու անհրաժեշտություն չունեն: Մարդիկ կարող են աշխատել առանց լիցենզիայի, առանց վճարի: Փորձագիտական գնահատականներով խոսքը մոտ 50 հազար մարդու մասին է, որոնք զբաղվում են այս գործով: Ստացվում է, որ Երեւանում այդ մարդկանց աշխատավարձն ավելացնում ենք 12 հազար դրամով, իսկ մարզերում՝ 8 հազար դրամով»,-ընդգծեց վարչապետի պաշտոնակատարը: