Կհանդիպենք. Միքայել Մինասյանը հանդես է եկել ուղերձով

857

Վատիկանում Հայաստանի առաջին ռեզիդենտ դեսպան լինելը մեծ պատիվ ու պատասխանատվություն էր ինձ համար: Այս մասին Facebook-ի իր էջում գրել է Սուրբ Աթոռում, Պորտուգալիայի Հանրապետությունում եւ Մալթայի Ինքնիշխան Մարտական Ուխտում Հայաստանի Հանրապետության նախկին դեսպան Միքայել Մինասյանը։  


«Սիրելի՛ ընկերներ ու գործընկերներ,


Այսօր ավարտում եմ Սուրբ Աթոռում Հայաստանի արտակարգ եւ լիազոր դեսպանի պարտականությունների կատարումը: Վատիկանում Հայաստանի առաջին ռեզիդենտ դեսպան լինելը մեծ պատիվ ու պատասխանատվություն էր ինձ համար: Այս տարիների ընթացքում արել ենք առավելագույնը hայ-վատիկանյան հարաբերությունների ամրապնդման, Հայաստանի շահի սպասարկման, մեր մշակույթի ու պատմության պահպանման եւ տարածման ուղղությամբ:


Շնորհակալ եմ Հռոմի Սրբազան Քահանայապետին հայության ու Հայաստանի նկատմամբ ունեցած առանձնակի ջերմության եւ աջակցության համար: Շնորհակալ եմ Հայաստանի եւ Սուրբ Աթոռի իմ բոլոր գործընկներին արդյունավետ համագործակցության համար: Կհանդիպենք:


Հ.Գ. Սուրբ Աթոռում Հայաստանի դեսպանության թիմը համառոտ ֆիլմ է պատրաստել, որում ամփոփված են մեր հնգամյա աշխատանքի ամենաարժեքավոր դրվագները»,-գրել է նա:



 

Տպել

Թեմայի այլ նորություններ
Загрузка...