Ռուս սահմանապահները ձերբակալել են հայ-թուրքական սահմանն ապօրինի հատած հերթական անձին

Արտաշատի սահմանապահ ջոկատի ռուս սահմանապահները ձերբակալել են հայ-թուրքական սահմանն ապօրինի հատած հերթական անձին: Վերջինիս մոտ փաստաթղթեր չեն հայտնաբերվել, բայց նախնական տվյալներով՝ սահմանախախտը Աֆղանստանի Իսլամական Հանրապետության քաղաքացի է:

Նշվում է, որ սահմանախախտը կյանքի լավագույն պայմանների փնտրտուքներով, առանց խոչընդոտների հատել է պակիստանա-աֆղանական, աֆղանա-իրանական, այնուհետ իրանա-թուրքական սահմանները և միայն Հայաստան մտնելու փորձի ժամանակ ձերբակալվել ռուս սահմանապահների կողմից:

Նա փոխանցվել է համապատասխան մարմիններին՝ միջադեպի հանգամանքները պարզելու համար: