Պեսկովը՝ Պուտինի և այլ ղեկավարների միջև հարաբերությունների մասին

Ռուսաստանի Դաշնության նախագահ Վլադիմիր Պուտինի մամուլի քարտուղար Դմիտրի Պեսկովն ասել է, որ Պուտինի և որևէ այլ երկրի առաջնորդի միջև եղած քիմիան չի ստիպի նրան անտեսել երկրի պետական շահերը, հայտնում է ռուսաստանյան Lenta.ru-ն:

«Ես չգիտեմ՝ որքան կարող է լինել քիմիան երկների ղեկավարների միջև, այն դժվար չափելի է: Սակայն ոչ մի քիմիա չի ստիպի նախագահին ստորադասել ՌԴ ազգային շահը», - ասել է Պեսկովը:

Նրա խոսքով, վարչապետի կարգավիճակում Պուտինը մտերիմ հարաբերություններ է ունեցել Գերմանիայի նախկին կանցլեր Գերհարդ Շրեդերի հետ, սակայն դա նրան չի խանգարել կոշտ դիրքորոշում ունենալ ինչպես միջազգային, այնպես էլ երկու երկրի հարաբերությունների հետ կապված հարցերի շուրջ:

Պեսկովը նաև խոսել է ԱՄՆ նախագահ Դոնալդ Թրամփի հետ Պուտինի հարաբերություններից: Ըստ մամուլի քարտուղարի, երկու երկրի առաջնորդը «դեռևս չեն կարողացել զգալ միմյանց»: