29.03.2024
Ռումինիայի Սենատը միաձայն քվեարկությամբ վավերացրեց ՀՀ-ԵՄ համաձայնագիրը
prev Նախորդ նորություն

Նորություններ գործընկերներից

The National Interest. ՌԴ-ի ու ԱՄՆ-ի միջև առկա են սառը պատերազմի նշաններ

Ռուսաստանի եւ ԱՄՆ-ի միջեւ խնդիրների անտեսումը արտացոլում է միջուկային դարաշրջանում սպառազինությունների մրցավազքի սպառնալիքների համընդհանուր անըմբռնողությունը: The National Interest-ում այս մասին գրում է Լայլ Գոլդշտեյնը:

Հրատարակությունը նշում է, որ շատերը հիմա չեն նկատում Մոսկվայի եւ Վաշինգթոնի միջեւ սառը պատերազմի նոր նշանները, որոնք դրսեւորվում են հարյուր միլիարդավոր դոլարներով: Դրանք երկու երկրները ծախսում են նոր սերնդի ռազմավարական միջուկային զենքի ստեղծման վրա:

Սառը պատերազմի մեկ այլ նշան է այս զենքի տեղակայման «վտանգավոր միտումն» տարածաշրջաններում, որի հետեւանքով ապակայունացում է առաջացնում:

Հեղինակը վկայակոչում է ռուսալեզու «Ռազմական տեսություն» կայքի «ինտրիգային, եթե ոչ տագնապալի» վերնագրով հոդվածին. «Հազարավոր մարտագլխիկների փոխարեն. փրկու՞մ է արդյոք Ռուսաստանին «Բուլավա»-ն»:

Մասնավորապես դրանում ասվում է, որ հակահրթիռային պաշտպանության ամերիկյան համակարգն ավելի ժամանակակից է ռուսականի համեմատ եւ ավելի ուժեղ պաշտպանված է: Գոլդշտեյնը նկատում է, որ հոդվածում բարձր գնահատական է տրվում բալիստիկ հրթիռներով ամերիկյան ստորջրյա նավատորմին:

Այնուամենայնիվ, Ռուսաստանի պատասխանի համար բավարար կլինեին «հանքափորային ցամաքային միջուկային համալիրները», սակայն դրանք խոցելի են, ուստի պետք է պահպանել ռուսական սուզանավերի «միջուկային եռյակը»:
National Interest-ի հեղինակը հարց է հնչեցնում՝ արդյոք Կրեմլի մտահոգությունը իր միջուկային եռյակով համապատասխանում է Ամերիկայի ազգային շահերին եւ արդյոք Վաշինգթոնը ցանկանում է ռուս հրամանատարներին տեսնել «միջուկային կոճակին» սեղմելու պատրաստ լարված վիճակում:

Եթե դա այդպես է, ապա նման դիրքորոշումը կարող է վերջնականապես երկրներին վերադարձնել սառը պատերազմի շրջան՝ ավելի մեծացնելով թյուրիմացության, էսակալացիայի, կանխարգելիչ հարվածների եւ աղետալի վթարների վտանգը իրականությանը շատ մոտ ստորջրյա բախման սցենարին:

Ղարաբաղյան բանակցություններն անցկացվելու են միայն ՀՀ-Ադրբեջան ֆորմատով. Ալիև
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար