Ազնավուրը աշխարհի համար Ֆրանսիայի և Հայաստանի հզոր մշակույթների հոգին ու ձայնն էր. Մեդվեդև

ՌԴ վարչապետ Դմիտրի Մեդվեդևը ցավակցել է աշխարհահռչակ շանսոնյե Շարլ Ազնավուրի մահվան կապակցությամբ:

«Կյանքից հեռացել է Շարլ Ազնավուրը` ականավոր կատարողներից մեկը, ով ամբողջ աշխարհի համար հանդիսանում էր Ֆրանսիայի ու Հայաստանի հզոր մշակույթների հոգին ու ձայնը:

Նա երկար տարիներ հավաքում էր լիքը դահլիճներ իր համերգներին նաև մեր երկրում: Ցավակցում եմ երգչի հարազատներին ու նրա բազմաթիվ երկրպագուներին ամբողջ աշխարհում, այդ թվում և Ռուսաստանում»,- Facebook-յան իր էջում գրել է Մեդվեդևը: