Կատալոնիայի քաղաքներում սկսվել են բողոքի զանգվածային ակցիաներ ընդդեմ Իսպանիայի

Հոկտեմբերի 1-ին Կատալոնիայի քաղաքներում սկսվել են բողոքի զանգվածային ակցիաներ ընդդեմ Իսպանիայի, որը հրաժարվում է անկախություն տալ շրջանին՝ չնայած 1 տարի առաջ տեղի ունեցած անկախության հանրաքվեին։

ՌԻԱ Նովոստիի հաղորդմամբ, Ժիրոնայում ցուցարարները փակել են երկաթուղային կայարանի ճանապարհները, Բարսելոնայում սահմանափակվել է փողոցների երթևեկությունը։ Իրավիճակը նմանատիպ է մյուս քաղաքներում ևս:

Պահանջը մեկն է՝ Կատալոնիայի ինքնորոշման նոր համազգային հանրաքվե։

Հիշեցնենք, սեպտեմբերի 29-ին Բարսելոնայում ոստկանության ու ցուցարարների միջև բախումից վիրավորում էր ստացել 10 մարդ։

Կատալոնիայի անկախության հանրաքվեն տեղի ունեցավ 2017թ․-ի հոկտեմբերի 1-ին, որում 90 տոկոսը կողմ էր արտահայտվել ինքնորոշմանը։