Ժամը 11:00-ի դրությամբ Երեւանի ընտրություններին մասնակցել է 80 հազար քաղաքացի. ԿԸՀ

Ժամը 11:00-ի դրությամբ Երեւանի ավագանու արտահերթ ընտրություններին մասնակցել է 79 686 քաղաքացի: Սա կազմում է ընտրողների 9.39 տոկոսը: Այս մասին տեղեկանում ենք Կենտրոնական ընտրական հանձնաժողովի կայքից:

Ի դեպ, 2017 թվականի Երեւանու ավագանու հերթական ընտրություններին նույն ժամի դրությամբ մասնակցել է 94 հազար 256 ընտրող կամ ընտրողների 11,9 տոկոսը:

Այս տարի ընտրությանը մասնակցող քաղաքացիների թին ըստ ոստիկանության 853 հազար 390 անձ է, իսկ նախորդ տարի եղել է 842 147 քաղաքացի: