Վրաստանը պետք է վերականգնի հարաբերությունները Ռուսաստանի հետ. Բուրջանաձե

Վրաստանը պետք է վերականգնի հարաբերությունները Ռուսաստանի հետ, քանի որ դա համապատասխանում է իր ազգային շահերին։

Այս մասին մասին հայտարարել է հանրապետության խորհրդարանի նախկին խոսնակ և ընդդիմության առաջնորդ Նինո Բուրջանաձեն։

«Դիվանագիտական հարաբերությունների խզումը սխալ էր։ Դրանց բացակայությունը բարդացնում է բանակցային գործընթացը և հարաբերությունների բարելավումը։ Գլխավոր խոչընդոտը Վրաստանի իշխանությունների՝ Ռուսաստանի հետ անմիջական երկխոսություն վարելուն պատրաստ չլինելն է»,-ասել է Բուրջանաձեն։

Նա ասել է, որ Վրաստանի իշխանությունները վախենում են արևմտյան գործընկերների արձագանքից և նրանից, որ իրենց ռուսամետ կկոչեն։

«Կառավարությունում և խորհրդարանում առկա գործող իսթեբլիշմենթը չի կարելի անկախ ուժ համարել։ Առանց ԱՄՆ դեսպանատանը հայացք նետելու նրանք բառ անգամ չեն կարող արտաբերել։ Դա խայտառակություն է»,-հավելել է քաղաքական գործիչը։