Ղարաբաղում հավելյալ դիտորդների տեղակայման հարցում վերջնական որոշում չկա. Զախարովա

512

Հերթական բրիֆինգի ժամանակ ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է ղարաբաղյան հակամարտության գոտում ԵԱՀԿ անձնական ներկայացուցչի գրասենյակի ընդլայնման գործընթացին և դրա ազդեցությանը հակամարտության կարգավորման վրա:

Զախարովան հիշեցրել է, որ 2016 թվականին Վիեննայի և Սանկտ Պետերբուրգի գագաթաժողովների ժամանակ Հայաստանի և Ադրբեջանի նախագահները քննարկել են քայլեր, որոնք միտված են հակամարտության գոտում իրավիճակի կայունացմանն ու խաղաղ գործընթացի առաջխաղացման համար նպաստավոր մթնոլորտի ձևավորմանը: Մասնավորապես, այդ նպատակով նրանք պայմանավորվածություն են ձեռք բերել ընդլայնել միջազգային դիտորդների թվաքանակը հակամարտության գոտում:


Այս թեման, ասել է նա, քննարկվել է կողմերի հետագա հանդիպումների ժամանակ ևս, այդ թվում և այս տարեսկզբին: Կողմերը սկզբունքային համաձայնություն են ձեռք բերել հավելյալ դիտորդների, նրանց տեղակայման, ինչպես նաև այլ հարցերի շուրջ: Սակայն վերջնական որոշում դեռ չկա:

«Հայաստանում փոխվել է ղեկավարություն: Առաջիկայում տեղի կունենան նախարարների առաջին խորհրդակցությունները: Հետո, հույս ունենք, կլինեն այլ հանդիպումներ ևս, որոնց ընթացքում կողմերը հնարավորություն կունենան քննարկել ղարաբաղյան հակամարտության կարգավորմանը նվիրված հարցերի լայն շրջանակ, այդ թվում և դիտորդների խնդիրը»,- հավելել է Զախարովան:

Տպել

Թեմայի այլ նորություններ
Загрузка...