Փորձ 2-րդ. Սաշիկ Սարգսյանը տանից հեռացավ ԱԱԾ աշխատակիցների ուղեկցությամբ (տեսանյութեր)

Քիչ առաջ ԱԱԾ աշխատակիցները տարան ՀՀ երրորդ նախագահ Սերժ Սարգսյանի եղբորը` Ալեքսանդր (Սաշիկ) Սարգսյանին:

Հիշեցնենք, այսօր ամբողջ օրը ԱԱԾ աշխատակիցները հատուկ գործողություններ էին իրականացնում Սարգսյանի տանը:

Նշենք, որ ավելի վաղ Ալեքսանդր Սարգսյանի որդին` Հայկ Սարգսյանը ևս իրավապահների ուղեկցությամբ դուրս եկավ տանից. իրավապահների ձեռքին էին փաթեթավորված իրեր:

Մինչ այդ գործողությունները նկուղում էին կատարվում, որի պատուհանից, լրարողների պնդմամ, տեսանելի էր մոխրագույն պայուսակ եւ տրցակներով գումար: Լրագրողների հարցին, թե խուզարկությամբ ի՞նչ հայտնաբերվեցին, Հայկ Սարգսյանն ասել է՝ ցույց կտան, կտեսնեք: 

ԱԱԾ-ից խոստացել են հանդես գալ հաղորդագրությամբ ու տեսանյութով:

Հիշեցնենք, հունիսի 25-ին Սաշիկ Սարգսյանը Սայաթ-Նովա փողոցից բերման էր ենթարկվել, սակայն մի քանի ժամ անց ազատ արձակվել: