Սերժ Սարգսյանի եղբորը՝ Սաշիկ Սարգսյանին, բերման են ենթարկել (տեսանյութ)

1387

Ոստիկանությունը բերման է ենթարկել ՀՀ երրորդ նախագահի եղբորը՝ Ալեքսանդր Սարգսյանին:


Այս մասին հայտնել է ՀՀ ոստիկանության տեղեկատվության և հասարակայնության հետ կապերի վարչության պետ Աշոտ Ահարոնյանը:


«Ալեքսանդր Սարգսյանը բերման է ենթարկվել ապօրինի զենք կրելու կասկածանքով, Երևանի Սայաթ Նովա փողոցից»,- ասաց Ահարոնյանը:



Նշենք, որ մամուլը հայտնում է նաեւ Սաշիկ Սարգսյանի որդու եւ Սերժ Սարգսյանի թիկնազորի նախկին պետ Վաչագան Ղազարյանի ձերբակալության մասին:


Ազգային ժողովի փոխնախագահ Էդուարդ Շարմազանովը չի ցանկանում որևէ գնահատական տալ Սերժ Սարգսյանի եղբոր՝ Ալեքսանդր Սարգսյանի և պաշտոնաթող նախագահի թիկնազորի պետ Վաչագան Ղազարյանի ձերբակալություններին․ «Ես այս պահին զերծ կմնամ որևէ գնահատական տալուց, երբ Ազգային անվտանգության ծառայությունը կներկայացնի նրանց ձերբակալելու հիմքերը, հանդես կգա համապատասխան հայտարարությամբ, այն ժամանակ էլ գնահատական կտամ և կանդրադառնամ դրանց իրավական հիմքերին»։


Հստակեցնող հարցին՝ այս ձերբակալությունների մեջ քաղաքական ենթատեքստ տեսնո՞ւմ է, թե՝ ոչ, Էդուարդ Շարմազանովը պատասխանեց․ «Քաղաքական գնահատական տալ- չտալը կախված կլինի ԱԱԾ-ի տարածած հաղորդագրությունից և ներկայացրած հիմքերից»։ 

Տպել

Թեմայի այլ նորություններ
Загрузка...