Սպիտակ տունը Իրանի հեղափոխության պահապանների կորպուսն ահաբեկչական խմբավորում կճանաչի

Սպիտակ տանը քննարկվում է Իրանի իսլամական հեղափոխության պահապանների կորպուսն ահաբեկչական խմբավորում ճանաչելու հնարավորությունը, հայտնում է CNN-ը՝ վկայակոչելով իր աղբյուրներին:

Հեռուստաալիքի տվյալներով՝ որոշումը դեռ չի կայացվել: Դրա կողմնակիցների և հակառակորդների շրջանում կան Դոնալդ Թրամփի վարչակազմի ազդեցիկ աշխատակիցներ:

Ինչպես հայտնել են աղբյուրները, պետքարտուղար Մայք Պոմպեոն հանդես է գալիս կորպուսն ահաբեկչական ճանաչելու օգտին: