Թուրքիայի 19 նահանգներում գործողություններ են մեկնարկել ընդդեմ Գյուլենի կողմնակիցների

Թուրքիայի դատախազությունը հրահանգել է ձերբակալել 2016-ի հուլիսյան հեղաշրջման փորձի հետ առնչություններ ունեցող ևս 68 անձանց:

«Կասկածյալների զգալի մասը թուրքական բանակի սպաներ են, այդ թվում՝ մի քանի տասնյակ գնդապետներ», - հաղորդում է պաշտոնական Anadolu գործակալությունը:

Anadolu-ի փոխանցմամբ, այսօր առավոտյան կասկածյալների ձերբակալությանն ուղղված ոստիկանական միաժամանակյա գործողությունները մեկնարկել են Թուրքիայի 19 նահանգներում:

Անկարայի դատախազությանը մոտ կանգնած աղբյուրների պնդմամբ՝ թուրքական բանակի սպաները իսլամիստ քարոզիչ Ֆեթուլլահ Գյուլենի ընդհատակյա ցանցի անդամներ են: