Վահե Հակոբյանը հրաժեշտ կտա Սյունիքի մարզպետի պաշտոնին

Սյունիքի մարզը առաջիկայում նոր մարզպետ կունենա: Այս մասին Աժ-ում լրագրողներին հայտնել է ՀՀ վարչապետ Նիկոլ Փաշինյանը:

Լրագրողի հարցին ի պատասխան, թե  Սյունիքի մարզպետ Վահե Հակոբյանը հայտարարել է, որ չի պատրաստվում հրաժարական տալ, Փաշինյանն ասել է. 

«Ակնհայտ է, որ առաջիկայում մենք կունենանք Սյունիքի նոր մարզպետ»։

Հիշեցնենք, Վահե Հակոբյանը այս պահի դրությամբ միակ մարզպետն է, որ չի փոխվել թավշյա հեղափոխությունից հետո: Մամուլում անգամ շրջանառվում էր, թե վերջինս պայմանավորվածություն է ձեռք բերել նոր կառավարության հետ, որպեսզի պահպանի իր պաշտոնը և պատրաստվում է լքել Հանրապետական կուսակցության շարքերը: