Հայաստանի որևէ գործընկեր չի փորձել միջամտել հանրապետության ներքին գործերին. Քոչարյան

Վստահեցնում եմ, որ Հայաստանի որևէ գործընկեր չի փորձել միջամտել հանրապետության ներքին գործերին: Այս մասին կառավարութան նիստից հետո լրագրողներին հետ զրույցում ասել է ՀՀ արտաքին գործերի նախարարի պաշտոնակատարի տեղակալ Շավարշ Քոչարյանը:

Նրա խոսքով, այսօր կարևոր է, որ արտաքին գերատեսչությունը այս օրերին աշխատի ավելի ուշադիր և ուժեղացված ռեժիմով: 

Նա հրաժարվել է պատասխանել հարցին, թե արդյոք մտադիր է աշխատել ՀՀ նոր իշխանությունների հետ՝ նշելով, որ իր անձնական պլանների մասին չի խոսում: Բայց կարևորում է, որ հիմա բոլոր պետական կառույցները աշխատեն նույն ռիթմով, որը կարևոր է երկրի համար, անվտանգության համար և նաև միջազգային հեղինակության համար:

«Ամենակարևորն այն է, որ ամեն ինչ պետք է ստանա խաղաղ հանգուցալուծում օրինականության, Սահմանադրության սահմաններում և, կարծում եմ, դրա բոլոր նախանշանները կան»,- հավելել է Շավարշ Քոչարյանը: